Eldur kviknaði í bifreið á leið upp Kambana á fjórða tímanum í dag. Bíllinn var alelda þegar slökkviliðsmenn úr Hveragerði komu á vettvang.
Þrír menn voru um borð í bílnum og náðu þeir að forða sér út ómeiddir en bíllinn var þá efst í Kömbunum.
Útkallið barst Neyðarlínunni klukkan 15:42 og gekk slökkviliðsmönnum vel að slökkva eldinn en þrátt fyrir það er bifreiðin ónýt.