Sundlaugasvæði Sundhallar Selfoss verður lokað næstu daga vegna alvarlegrar bilunar í klórframleiðslukerfi sundhallarinnar. Verið er að vinna í lausn á biluninni.
Opið er í World Class og búningsklefar Sundhallarinnar eru opnir.
Vegna lokunarinnar á Selfossi verður opnunartími sundlaugarinnar á Stokkseyri aukinn á meðan viðgerð stendur yfir.
Á sunnudag verður opið á Stokkseyri frá 9 til 18 og á mánudag verður opið frá klukkan 6:30 til 8:00 og svo aftur frá 14:15 til 20:00. Laugin er lokuð á meðan á skólasundi stendur.