Lögreglan á Suðurlandi fékk tilkynningu um alvarlegt umferðarslys á Hellisheiði á tíunda tímanum í kvöld. Einn einstaklingur var fluttur alvarlega slasaður á slysadeild eftir árekstur.
Viðbragðsaðilar frá Suðurlandi og höfuðborgarsvæðinu komu á vettvang en mikil hálka var á heiðinni.
Skömmu síðar barst tilkynning um annað slys á Hellisheiði, en þar var um þriggja bíla árekstur að ræða, en slys voru minniháttar.
Hellisheiði er lokuð fyrir umferð meðan vinna á vettvangi stendur yfir og veitir lögreglan á Suðurlandi ekki frekari upplýsingar um slysið að svo stöddu.
Þriggja bíla árekstur við Skeiðavegamót
Einnig var tilkynnt um þriggja bíla árekstur við Skeiðaafleggjara á Suðurlandsvegi rétt fyrir kl. 21 í kvöld. Meiðsli í því slysi voru minni háttar.
Hálka eða hálkublettir eru á vegum víða á Suðurlandi núna og hvetur lögreglan vegfarendur til að sýna ítrustu varúð.