Alvarlegt umferðarslys varð á Suðurlandsvegi austan við Holtsós undir Eyjafjöllum nú fyrir skömmu. Um eina bifreið er að ræða og voru þrír aðilar í henni.
Viðbragðsaðilar eru á vettvangi og er Suðurlandsvegur lokaður á meðan vettvangsvinna stendur yfir.
Lögreglan á Suðurlandi fer með rannsókn á slysinu með aðstoð tæknideildar lögreglunnar á höfuðborgarsvæðinu.
Þetta kemur fram í tilkynningu frá lögreglunni á Suðurlandi, sem gefur ekki frekari upplýsingar að svo stöddu.
Reiknað er með að lokunin vari að minnsta kosti til kl. 16:00 og engin hjáleið er til staðar.