Alvarlegt umferðarslys varð á Suðurlandsvegi við Skaftafell um klukkan 9:50 í morgun þar sem tveir bílar rákust saman.
Þjóðvegurinn er lokaður og verður það um óákveðinn tíma. Átta manns voru í bílunum tveimur og hafa tvær þyrlur Landhelgisgæslunnar verið kallaðar á vettvang ásamt fjölmennu liði björgunarsveita og viðbragðsaðila.
Uppfært klukkan 11:58: Suðurlandsvegur er enn lokaður en búið er að opna hjáleið fram hjá slysstað.