Arctic Adventures og dótturfyrirtkæki þess; Arctic Rafting, Dive Silfra, Trek Iceland og Glacier Guides tóku í síðustu viku við gæðavottun Vakans.
Það var Áslaug Briem frá Ferðamálastofu sem afhenti viðurkenninguna en auk gæðavottuninnar fengu fyrirtækin bronsmerki í umhverfisþætti Vakans.
Í fréttatilkynningu segir að innleiðingin hafi verið verið mikið verk vegna umfangs fyrirtækjanna, en Arctic Adventures fjölskyldan bíður upp á margvíslegar ferðir víðsvegar um land, meðal annars víða á Suðurlandi.
Það má því leiða líkur að því að þetta sé ein viðamesta innleiðingaferli sem ferðarðaþjónustufyrirtæki hefur gengið í gegnum hjá Vakanum. Arctic Adventures fjölskyldan lítur á þátttöku sína í Vakanum sem tækifæri til að vera í áfram fremstu röð ferðaþjónustufyrirtækja og umhverfisvottunin er kærkomið fyrsta skref í átt til sjálfbærni og umhverfisvænni starfshátta.
Arctic Adventures samsteypan hefur vaxið og dafnað undanfarið. Áætluð velta 2016 er um þrír miljarðar og farþegafjöldinn í ár stefnir í 140.000. Starfsmenn Arctic Adventures og dótturfyrirtækja er 170 – 250 eftir árstíðum, en hluti ferða fyrirtækjanna er árstíðabundinn.