Banaslys í Vík

Karlmaður á fimmtugsaldri lést í alvarlegu vinnuslysi í Vík í Mýrdal í dag, að því er fram kemur í tilkynningu frá lögreglunni á Suðurlandi.

Tilkynning barst um slysið klukkan 13:45 og voru viðbragðsaðilar, lögregla, sjúkraflutningamenn og læknir fljótir á staðinn. Endurlífgunartilraunir voru reyndar á vettvangi en þær báru ekki árangur.

Rannsókn á tildrögum slyssins er í höndum rannsóknardeildar lögreglustjórans á Suðurlandi en lögreglan veitir ekki frekari upplýsingar að svo stöddu.

Fyrri greinStóri draumurinn að verða höfrungaþjálfari
Næsta greinSelfyssingar sigu afturúr í seinni hálfleik