Beinin sem fundust í ruslapoka í hraungjótu í Kömbunum í gærkvöldi hafa nú verið skoðuð af sérfræðingi og er niðurstaðan sú að ekki er um mannabein að ræða.
Þetta kemur fram í tilkynningu frá lögreglunni á Suðurlandi.
Ásamt beinunum fundust inniskór af kvenmanni, nælonsokkar og brotnar glerflöskur. Samkvæmt upplýsingum frá lögreglunni báru þessir munir með sér að hafa legið í gjótunni um langan tíma.