Alls sóttu 24 starfsmenn í Fjölbrautaskóla Suðurlands endurmenntunar námskeið skólaárið 2022/2023. Árið 2021 fékk skólinn erasmus+ styrk til endurmenntunar starfsfólks en vegna Covid var í raun ekki hægt að nýta hann fyrr en árið 2022 og var hann fullnýttur vorið 2023.
Styrkurinn var veittur undir þeim formerkjum að efla allt starsfólk til endurmenntunar varðandi sjálfbærni, rafrænt skólaumhverfi og að bregðast við mismunandi þörfum mismunandi nemenda. Námskeiðin voru sótt á eftirfarandi stöðum: Barselóna, Dublin, Flórens, Ilion, Róm, Santa Cruz og Split.
Í frétt frá FSu segir að almenn ánægja hafi verið með námskeiðin, enda mikilvægur liður í starfsþróun að afla nýrrar færni sem og að styrkja þá færni sem þegar er til staðar.
