Brotist var inn í þrjú hús á Selfossi um helgina, að kvöldi laugardags eða morgni sunnudags. Lögregla telur sömu aðila á ferðinni í öllum tilfellum.
Tvö húsanna eru við Engjaveg við Gesthús og þriðja húsið í Ártúni.
Lögregla vill hvetja fólk til að vera á varðbergi gagnvart hugsanlegum gerendum og tilkynna grunsamlegar mannaferðir til lögreglu. Jafnframt óskar lögregla eftir hverskyns upplýsingum sem almenningur kann að búa yfir og varpað gætu ljósi á málið.
Hægt er að ná sambandi við lögreglu alla virka daga milli klukkan 8 og 16 í síma 444-2000, í gegnum netfangið sudurland@logreglan.is eða í gegnum fésbókarsíðu lögreglunnar.
UPPFÆRT 21/2/2017
TENGDAR FRÉTTIR:
Brotist inn í tvö íbúðarhús á Selfossi