Freyja Fanndal Sigurjónsdóttir hefur verið ráðin verkefna- og gæðastjóri Heilbrigðisstofnunar Suðurlands.
Freyja er viðskiptafræðingur að mennt með sérþekkingu í forystu og stjórnun. Freyja hefur mikla reynslu af straumlínustjórnun og gæðamálum en hún hefur tekið þátt í straumlínustjórnun bæði sem stjórnandi og sem sérfræðingur við innleiðingu, ásamt því að stýra hinum ýmsu verkefnum. Þá hefur hún starfað sem fræðslustjóri og sérfræðingur í straumlínustjórnun frá árinu 2016 til 2021.
Freyja mun koma að uppbyggingu umbótastarfa innan HSU og mun starfa náið með stjórnendum og öðrum starfsmönnum stofnunarinnar.