Sænska tískufatakeðjan Gina Tricot opnar í dag nýja verslun á Íslandi, ginatricot.is. Í fyrsta sinn verður hægt að panta þjónustu Gina Tricot þannig að viðskiptavinum er kleift að fá vörur sínar afhendar samdægurs.
Gina Tricot er rekið í gegnum umboðssamning við Lóu D. Kristjánsdóttur og Albert Þór Magnússon sem hafa nú rekið Lindex vörumerkið hér á landi í yfir áratug á farsælan hátt.
„Ótrúlegt en satt! Eftir allan undirbúninginn og framlag þeirra fjölmörgu samstarfsaðila okkar sem lögðu hönd á plóginn getum við loks opnað Gina Tricot fyrir tískumeðvituðum konum á Íslandi. Við erum ótrúlega spennt fyrir framtíðinni,“- segir Lóa Dagbjört.
Gina Tricot býður konum upp á tískufatnað og fylgihluti sem og fatnað á stúlkur í stærðum 134-164. Gina Tricot er ein af stærstu tískufatakeðjum Svíþjóðar en ný netverslun, ginatricot.is opnar í dag kl. 12:00.
Afhending er um land allt með þjónustu Dropp ásamt Póstinum auk þess sem viðskiptavinum gefst tækifæri til að sækja pantanir sínar á opnunartíma starfsstöðvar Gina Tricot í Skeiðarási 8, Garðabæ samdægurs og án kostnaðar.
