Fulltrúar frá Kvenfélaginu í Hveragerði komu færandi hendi á heilsugæsluna í Hveragerði á dögunum og færðu stofnuninni peningaupphæð að andvirði 250.000 krónur.
Fyrir gjafaféð var keypt ný ungbarnavigt og lengdarmælir fyrir ungbarnaverndina.
„Þessi gjöf kom sér afar vel og eru öllum kvenfélagskonum hjá Kvenfélaginu í Hveragerði færðar innilegar þakkir fyrir stuðninginn. Þær hafa síðastliðin ár stutt dyggilega við heilsugæsluna í Hveragerði og er það ómetanlegt,“ segir í tilkynningu frá HSU.