Björgunarfélagið Eyvindur á Flúðum fékk tilkynningu um slasaða konu inni á Tungufellsdal í Hrunamannahreppi um klukkan 15 í dag.
Konan hafði verið á göngu með fjölskyldu sinni þegar hún slasaðist á ökkla. Fjölskyldan hlúði að henni á meðan beðið var eftir viðbragðsaðilum.
Hópur björgunarsveitarfólks fór á vettvang ásamt sjúkraflutningamönnum frá HSU á Selfossi.
Konan var borin niður á veg í sjúkrabíl sem flutti hana til aðhlynningar á Heilbrigðisstofnun Suðurlands á Selfossi.