Framkvæmdir eru hafnar við endurnýjun á göngustíg og útsýnispalli á efra svæði við Gullfoss.
Verið er að útbúa hjáleið frá Gullfosskaffi að stiga. Leið að útsýnispalli á efra svæði verður lokuð á meðan framkvæmdir standa yfir.
Við neðra bílastæði eru engar framkvæmdir í gangi og fært niður að fossi.
Greint er frá þessu á heimasíðu Umhverfisstofnunar og þar eru gestir beðnir velvirðingar á þeirri röskun sem þessar þessar framkvæmdir gætu haft í för með sér en jafnframt minnt á ábatann sem af hlýst, íslenskri náttúru til verndar.