Í dag kl. 12:44 varð skjálfti af stærðinni 3,2 í Breiðöldu, um 3,5 km vestan við Landmannalaugar. Skjálftinn er hluti af hrinu sem hófst í norðanverðri Torfajökulsöskjunni í morgun. Hrinur sem þessar eru vel þekktar á þessu svæði.
Veðurstofan hefur fengið tilkynningar um að jarðskjálftinn hafi fundist í Hrauneyjum, Landmannalaugum og fleiri stöðum á Fjallabaki nyrðra.
Grjóthruns hefur verið vart í Landmannalaugum vegna skjálftanna og er fólki ráðlagt að gæta varúðar og halda sig fjarri bröttum hlíðum.