Veðurstofan hefur gefið út gula viðvörun fyrir Suðurland og Suðausturland sem gildir á milli klukkan 6 og 16 á morgun.
Gert er ráð fyrir 15-20 m/s syðst á landinu, þ.e. undir Eyjafjöllum og í Vestmannaeyjum og þar má búast við snörpum vindhviðum. Hægari vindur verður annars staðar á svæðinu.
Tjöld geta fokið og fólk er hvatt til að huga að lausamunum og varasamar aðstæður geta skapast fyrir ökutæki sem taka á sig mikinn vind.