Veðurstofan hefur gefið út gula viðvörun fyrir Suðurland vegna mikillar rigningar. Viðvörunin gildir frá klukkan 9 á laugardagsmorgun til klukkan 10 á sunnudagsmorgun.
Gert er ráð fyrir talsverðri eða mikilli rigningu og búast má við auknu afrennsli og vatnavöxtum í ám og lækjum sem eykur hættu á flóðum.
Fólk er hvatt til þess að sýna aðgát í nágrenni vatnsfalla og gera má ráð fyrir að óbrúaðar ár verði torfærar.
Á suðausturlandi gildir viðvörunin til klukkan 14 á sunnudag.