Vegagerðin lokaði þjóðvegi 1 um Hellisheiði í kvöld á meðan unnið var að hreinsunarstarfi og hálkuvörnum.
Vegurinn er ennþá lokaður en umferð er beint um Þrengslaveg. Þar er hálka og þoka.
Í kvöld og fram á nótt verður snjókoma á fjallvegum suðvestanlands, með versnandi aksturskilyrðum og takmörkuðu skyggni, að því er fram kemur í athugasemd vakthafandi veðurfræðings á Veðurstofu Íslands.
UPPFÆRT 21:20: Búið er að opna Hellisheiði til austurs en hálka er á veginum. Enn er lokað til vesturs á meðan verið er að fjarlægja bíl.
UPPFÆRT 22:00: Búið er að opna í báðar áttir.