Búið er að loka Hellisheiðinni og fjölmargir vegir á Suðurlandi hafa verið settir á óvissustig. Nýjar upplýsingar um opnun á Heiðinni munu berast klukkan 23 í kvöld.
Þrengslin eru á óvissustigi og óvissustig tekur gildi á Lyngdalsheiði, Suðurstrandarvegi og Árborgarhringnum klukkan 19 í kvöld. Suðurlandsvegur milli Markarfljóts og Víkur er á óvissustigi frá klukkan 16 í dag.
Nú á fjórða tímanum er þæfingsfærð á Sandskeiði og Þingvallavegi við Grafning. Þungfært er á Mosfellsheiði en hálka í Þrengslum.
UPPFÆRT KL. 17:00: Þrengslavegi, Mosfellsheiði, Lyngdalsheiði og hluta Þingvallavegar var lokað á fimmta tímanum.