Fyrr í kvöld var Hjálparsveit skáta í Hveragerði kölluð út vegna fjölda bíla í vandræðum víða í Kömbum.
Talsverð hálka hafði myndast og snjór, sem saman gerðu það að verkum að fjöldi bíla komust ekki leiðar sinnar. Nokkrir smávægilegir árekstrar urðu og einhverjir lentu utan vegar.
Björgunarsveitarfólk á fjórum björgunarbílum ferjaði bæði fólk og bíla niður af Heiðinni, en í einhverjum tilfellum voru bílar skildir eftir þar sem þeir voru.
Aðgerðum var að mestu lokið nú á tíunda tímanum.