Næstkomandi laugardag verður Tour de Hvolsvöllur hjólreiðakeppnin haldin. Samhliða henni verður boðið upp á fjölskylduhjólreiðakeppni á Hvolsvelli.
Hefst hún kl. 14:00 við Íþróttamiðstöðina og er skráning er á staðnum.
Hjóluð verður hálf leiðin sem kölluð hefur verið Ástarbraut; frá íþróttamiðstöðinni, inn Njálsgerðið og Króktúnið og svo áfram. Eftir u.þ.b. 3 km verður snúið verður við á drykkjarstöð og hjólað til baka. Alls verður því hjólaðir um 6 km. Eftir keppni verða dregin út verðlaun úr hópi þátttakenda.
Allir aldurshópar geta verið með en best er ef þau yngstu séu í fylgd með fullorðnum.
Nú er tækifærið að láta ljós sitt skína í hjólreiðakeppni og njóta um leið samvistana við fjölskylduna í fallegu umhverfi.