Hólmfríður Jennýar Árnadóttir, ritari Vinstri grænna, leiðir framboðslista flokksins í Suðurkjördæmi í komandi Alþingiskosningum. Listinn var samþykktur samhljóða á fundi kjördæmisráðs í kvöld.
Hólmfríður leiddi lista Vg einnig í síðustu Alþingiskosningum og var þá hársbreidd frá því að komast inn á þing, vantaði aðeins sjö atkvæði til þess að vera kjördæmakjörin. Hún starfar sem leikskólastjóri í Reykjanesbæ, situr í stjórn Isavia, stjórn Leigufélagsins Bríetar og Eignasjóðs Reykjanesbæjar auk þess að sitja í stjórnum FKA og RKÍ á Suðurnesjum.
Annað sæti listans skipar Pálína Axelsdóttir Njarðvík, sálfræðingur frá Eystra-Geldingaholti í Skeiða- og Gnúpverjahreppi og í þriðja sæti er Þormóður Logi Björnsson, aðstoðarskólastjóri í Akurskóla í Reykjanesbæ. Heiðurssætið skipar Þorsteinn Ólafsson, dýralæknir á Selfossi.
Listi Vg fyrir Alþingiskosningarnar 2024:
1. Hólmfríður Jennýjar Árnadóttir, leikskólastjóri, Reykjanesbæ
2. Pálína Axelsdóttir Njarðvík, sálfræðingur og fyrrverandi aðstoðarmaður, Skeiða- og Gnúpverjahreppi
3. Þormóður Logi Björnsson, aðstoðarskólastjóri, Reykjanesbæ
4. Helga Tryggvadóttir, sálfræðingur og námsráðgjafi, Vestmannaeyjum
5. Guðmundur Ólafsson, búfræðingur, Rangárþing eystra
6. Sædís Ósk Harðardóttir, deildarstjóri, Árborg
7. Ævar Pétursson, tannsmiður, Reykjanesbæ
8. Kristín Magnúsdóttir, jafningjaráðgjafi, Reykjanesbæ
9. Þórólfur Sigurðsson, háskólanemi, Árborg
10. Þorbjörg Elísabet Rúnarsdóttir, framhaldsskólanemi, Reykjanesbæ
11. Hallbjörn Valgeir Fríðhólm Rúnarsson, þroskaþjálfi, Grímsnes- og Grafningshreppi
12. Svanhvít Helga Jóhannsdóttir, kennari í fjallamennsku, Sveitarfélaginu Hornafirði
13. Sigurður Torfi Sigurðsson, ráðunautur, Árborg
14. Gunnhildur Þórðardóttir, skáld og myndlistarkona, Reykjanesbæ
15. Hörður Þórðarson, leigubílsstjóri, Vestamannaeyjum
16. Ágústa Eygló Backman, eldisstjóri, Árborg
17. Ásgeir Rúnar Helgason, dósent í sálfræði, Reykjanesbæ
18. Steinarr Bjarni Guðmundsson, bílstjóri, Sveitarfélaginu Hornafirði
19. Kjartan Ágústsson, bóndi, Skeiða- og Gnúpverjahreppi
20. Þorsteinn Ólafsson, dýralæknir, Árborg