Bæjarráð Hveragerðis og bæjarráð Árborgar bókuðu bæði á fundum sínum í vikunni mótmæli gegn áformum um innheimtu veggjalda á stofnbrautum út af höfuðborgarsvæðinu.
Hveragerðingar segja að slík áform gangi þvert á stefnu stjórnvalda um suðvestursvæðið sem eitt atvinnu- og búsetusvæði eins og kynnt hefur verið í stefnumörkun til framtíðar á vegum ríkisstjórnarinnar.
„Það er hreint með ólíkindum að mismuna eigi landsmönnum með þessum hætti gangi þessar hugmyndir eftir,“ segir Aldís Hafsteinsdóttir, bæjarstjóri í Hveragerði, á bloggi sínu.