Í síðustu viku voru veitt verðlaun í Ensku smásagnakeppninni 2019, sem Félag enskukennara á Íslandi (FEKÍ) heldur árlega.
Verðlaunaafhendingin fór fram við hátíðlega athöfn að Bessastöðum, þar sem Eliza Reid forsetafrú ásamt stjórn FEKÍ, tók á móti vinningshöfum og verðlaunuðu nemendur fyrir glæsilegan árangur.
Þátttaka í þessari skemmtilegu landskeppni er fyrir löngu orðinn fastur liður í Grunnskólanum í Hveragerði og sýna nemendur mikinn metnað í sögugerðinni. Í gegnum tíðina hefur það skilað fjölmörgum vinningshöfum, sem Hvergerðingar eru afar stolt af, og að þessu sinni var skólinn svo lánsamur að eiga þrjá vinningshafa.
Í flokknum 5. bekkur og yngri voru veitt tvenn verðlaun sem bæðu komu í hlut nemenda skólans, þeirra Kveldúlfs Ara Ottóson Borg og Sigrúnar Óskar Stefánsdóttur og í flokknum 6.- 7. bekkur hlaut Heiðar Þór Grétarsson fyrstu verðlaun.
Sannarlega frábær árangur hjá nemendum Grunnskólans í Hveragerði. Keppnin hófst formlega á evrópska tungumáladeginum 26. september og fór þannig fram að nemendur skrifa smásögur á ensku út frá einu orði, sem í ár var JOY.
