Í fyrsta skipti frá því nemendur Hvolsskóla hófu mælingar á jökulsporði Sólheimajökuls hefur jökullinn nú skriðið fram á milli ára.
Nemendur í 7. bekk hafa mælt jökulinn árlega og síðastliðinn mánudag fór fjórtánda mælingin fram.
Nemendur vinna eftir GPS punktum til að mæla frá fyrsta punkti að jökulsporðinum en síðustu 11 ár hafa nemendurnir þurft að fá aðstoð frá Björgunarsveitinni Dagrenningu á Hvolsvelli, vegna þess að lón hefur myndast fyrir framan jökulssporðinn.
Í fyrstu mælingu, fyrir fjórtán árum, var jökullinn 318 metra frá fyrsta punkti að jökulsporðinum. Í fyrra mældist jökullinn 763 metra frá sporðinum en í ár mældist hann 711 metrar, sem merkir að jökullinn sé að bráðna niður og ýtast fram. Jökullinn ýttist því fram um 52 metra á einu ári.
Undanfarin ár hefur jökullinn hopað um 37 metra á ári að meðaltali og komu því nýjustu mælingar nemendum á óvart, að því er fram kemur í grein á vef Hvolsskóla, sem unnin var af Eðvari, Magneu og Steingrími í 7. bekk.
