Ferðasýningin Vestnorden var haldin í síðustu viku í Reykjanesbæ. Hátt í 500 gestir tóku þátt í sýningunni og var Markaðsstofa Suðurlands þar á meðal.
VestNorden er mikilvægur vettvangur þar sem ferðaþjónustuaðilar frá Íslandi, Færeyjum og Grænlandi gefst kostur á að hittast og kynna vöruframboð sitt fyrir ferðaheildsölum og blaðamönnum víðsvegar úr heiminum.
Dagný Hulda Jóhannsdóttir og Guðmundur Fannar Vigfússon, ásamt fulltrúum úr faghópi um ferðamál á Suðurlandi, stóðu vaktina á Vestnorden og kynntu Suðurland með öllum þeim kostum og kynjum sem þar er að sjá, skoða, upplifa, dvelja og njóta.
Mikill kraftur og bjartsýni einkenndi viðburðinn og greinilegt að fólk hefur mikla trú á Íslandi sem áfangastað.
