Valnefnd Breiðabólstaðarprestakalls hefur valið sr. Kristján Arason í starf sóknarprests í prestakallinu, sem auglýst var á dögunum. Biskup Íslands hefur staðfest ráðninguna.
Sr. Kristján Arason er fæddur 31. ágúst árið 1991 og ólst upp á Helluvaði á Rangárvöllum. Foreldrar hans eru Anna María Kristjánsdóttir og Ari Árnason. Kristján er kvæntur Evu Sóleyju Þorkelsdóttur frá Mel á Mýrum. Þau eiga saman þrjú börn, Harald Heiki þriggja ára, Sóldísi Klöru sex ára og Birki Daða níu ára.
Kristján lauk stúdentsprófi frá Fjölbrautaskóla Suðurlands árið 2010 og lauk tveimur árum í mannfræði frá Háskóla Íslands og útskrifaðist svo með með mag. theol gráðu frá sama skóla árið 2017 eftir fjögurra ára nám.
Hann hefur starfað sem sóknarprestur í Patreksfjarðarprestakalli frá 1. júní 2018.Einnig hefur hann starfað sem varðstjóri í slökkviliði Vesturbyggðar og setið í undirkjörstjórn Patreksfjarðar auk þess að hafa setið í stjórn marga félagasamtaka, svo sem Lionsklúbbs Patreksfjarðar og Íþróttafélagsins Harðar.
Fimm umsókir bárust um starfið og mun Kristján hefja störf þann 1. nóvember næstkomandi.