Árlega styður Krónan við samfélagstengd verkefni með áherslu á æskulýðs- og ungmennastarf. Fresturinn til að sækja um í ár er til 31. ágúst.
„Við styrkjum verðug samfélagsverkefni á hverju ári, í gegnum styrki, viðburði og samstarfsverkefni. Liður í því er Samfélagsstyrkur Krónunnar, sem veittur er ár hvert til verkefna í nærumhverfinu sem stuðla að bættri lýðheilsu eða umhverfismálum með áherslu á yngri kynslóðina,“ segir Heiðdís Inga Hilmarsdóttir, verkefnastjóri sjálfbærni- og samfélagsmála Krónunnar.
Þrjú verkefni hlutu styrk á Suðurlandi í fyrra og má þar fyrst nefna Knattspyrnufélag Rangæinga sem nýtti styrkinn til uppbyggingar á kvennadeild félagsins þar sem markmiðið er að sporna við brottfalli ungra stúlkna úr knattspyrnu.
Að auki fékk verkefnið Ráðlagður dagskammtur styrk til að setja upp æfingastöðvar og skilti með hugmyndum af æfingum við nýja gönguleið í Vík í Mýrdal og foreldrafélag leikskólans Leikholts í Skeiða- og Gnúpverjahreppi fékk styrk til kaupa á svokölluðu bambahúsi sem sett var upp á lóð leikskólans.
Sem fyrr segir er umsóknarfresturinn til 31. ágúst og er hægt að kynna sér málið hér.