Vegagerðin boðar til opins kynningarfundar í Norðursal Hótel Selfoss, föstudaginn 18. febrúar kl. 10:00, um fyrirhugað útboð á samvinnuverkefninu Hringvegur um Ölfusá.
Verkefnið felur í sér færslu Suðurlandsvegar norður fyrir Selfoss með byggingu nýrrar brúar á Ölfusá við Efri-Laugardælaeyju. Fundurinn verður í beinu streymi hér á sunnlenska.is. Fyrirspurnir má senda inn í gegnum síðuna slido.com með aðgangsorðinu #olfusarbru
Nýr vegur er 2+1 vegur og tengist hringtorgi við Biskupstungnabraut sem nú er í byggingu og er 1,6 km langur vestan Ölfusár. Brú á Ölfusá er 330 m löng stagbrú með turni á Efri-Laugardælaeyju. Veglína austan Ölfusár er um 1,7 km löng og fer um Svarfhólsvöll og tengist núverandi hringvegi austan Selfoss. Auk hringvegar þarf að leggja nýjan Laugardælaveg, auk tenginga við Gaulverjabæjarveg og Austurveg á Selfossi.
Auk brúar á Ölfusá er gert ráð fyrir tvennum undirgöngum fyrir gangandi og hestamenn, auk undirganga fyrir akandi við Einholt vestan Ölfusár.
Fundurinn verður í beinu streymi hér á sunnlenska.is. Fyrirspurnir má senda inn í gegnum síðuna slido.com með aðgangsorðinu #olfusarbru