Síðustu tvo daga hefur lögreglan á Suðurlandi kært tuttugu ökumenn fyrir of hraðan akstur í umdæmi sínu. Sá sem hraðast ók var á 142 km/klst hraða á Suðurlandsvegi.
Tveir ökumenn voru teknir próflausir og einn var kærður fyrir að draga ljóslausan eftirvagn.
Tvö umferðaróhöpp eru skráð í dagbókina síðustu tvo sólarhringa, auk þess sem ekið var á kú sem þurfti að aflífa í kjölfarið.