Verðlagsnefnd búvara hefur tekið ákvörðun um hækkun lágmarksverðs mjólkur til bænda. Lágmarksverð 1. flokks mjólkur hækkar um 2,73% úr 132,68 kr./ltr í 136,30 kr./ltr.
Hækkun lágmarksverðs mjólkur til bænda er til komin vegna kostnaðarhækkana við framleiðslu mjólkur frá síðustu verðákvörðun sem byggði á verðlagi í desember 2023 og tók gildi í janúar 2024.
Þrátt fyrir hækkun vinnslu- og dreifingakostnaðar og hækkun lágmarksverðs helst heildsöluverð á mjólk og mjólkurvörum óbreytt að sinni, að því er fram kemur í tilkynningu frá Verðlagsnefnd búvara.