Bráðabirgða-niðurstöður krufningar á líki franska ferðamannsins sem fannst látinn við Sandfell í Öræfum þann 16. janúar benda til þess að hann hafi látist á gamlársdag af ofkælingu eftir að hafa fallið í hlíðum fjallsins.
Maðurinn, sem var 27 ára gamall, kom til landsins að kvöldi Þorláksmessu og tók bílaleigubíl á leigu við komuna.
Af gögnum sem aflað hefur verið við rannsókn málsins liggur fyrir að um klukkan 23:00 að kvöldi 30. desember var maðurinn staddur á Öræfajökli, í hlíðum Hvannadalshnjúks og átti þá eftir um 8 km göngu um óbyggðir, í myrkri að þeim stað þar sem hann fannst.