Nú fer hitastig hratt lækkandi á Suðurlandi. Vegir eru víða blautir eftir úrkomu síðustu daga og því farin að myndast ísing á vegum.
Samkvæmt upplýsingum frá lögreglunni á Suðurlandi er mjög mikil ísing í kringum Flúðir og hafa umferðaróhöpp átt sér stað þar. Að sama skapi er ísing á Suðurlandsvegi að aukast.
Lögreglan hvetur fólk til að fara varlega og miða hraða við aðstæður.