Átta landvörðum og einum verkefnisstjóra hjá Þjóðgarðinum á Þingvöllum var sagt upp í morgun.
RÚV greinir frá þessu og hefur eftir Einari Á. E. Sæmundsen, þjóðgarðsverði, að mikil endurskipulagning sé framundan innan þjóðgarðsins.
„Við höfum verið í sambandi við Umhverfisráðuneytið síðan í vor um hvernig sé hægt að bregðast við þessari stöðu. Sértekjur þjóðgarðsins vegna ferðamanna hafa gufað upp.“ segir Einar í samtali við RÚV.
Uppsagnirnar taka gildi 1. febrúar og vonar Einar að það verði hægt að ráða stóran hluta starfsfólksins aftur með vorinu.