Rannsóknin hefur leitt í ljós að um íkveikju var að ræða þegar eldur kviknaði í Hafnartúni á Selfossi á laugardagskvöld. Rannsókn málsins miðar vel.
Í tilkynningu frá lögreglunni á Suðurlandi segir að nokkur ungmenni hafi stöðu sakborninga í málinu og er rannsóknin unnin í samráði við barnaverndaryfirvöld.
Töluverður fjöldi skýrslna hefur verið tekinn af fólki vegna málsins. Rannsókn lögreglunnar hefur miðað vel og hefur lögregla góða mynd af atburðum.
Tilkynnt var um eld í húsinu á áttunda tímanum á laugardagskvöld og var efri hæð hússins alelda þegar viðbragðsaðila bar að garði. Slökkvistarf tók nokkurn tíma þar sem eldsmatur var mikill.
Við rannsókn málsins hefur Lögreglan á Suðurlandi fengið aðstoð frá tæknideildar lögreglunnar á höfuðborgarsvæðinu og brunasérfræðingi frá Húsnæðis- og Mannvirkjastofnun.
