Tveir norskir heimilislæknar eru að bætast í starfsmannahóp Heilbrigðisstofnunar Suðurlands í Rangárþingi. Kari Wessel Larsen hefur tekið til starfa og í apríl mun Ingunn Henriksen Leeber hefja störf. Þær hafa báðar áralanga reynslu sem heimilislæknar.
Kari er einnig sérhæfð í lífvísindum og hefur sótt fjölmörg námskeið sem meðal annars tengjast bráðaþjónustu. Hún hefur mikla reynslu af því að starfa í dreifbýlum héruðum sem reiða sig á bráðaþjónustu.
Ingunn er sérhæfð í almennri læknisfræði og hefur líkt og Kari mikla reynslu af bæði heilsugæsluþjónustu á landsbyggðinni í Noregi auk bráðaþjónustu.
Í tilkynningu frá Heilbrigðisstofnun Suðurlands segir að þær séu spenntar fyrir því að taka á móti skjólstæðingum HSU á heilsugæslunni í Rangárþingi og hafa báðar nú þegar hafið nám í íslensku