Oddvitar og sveitarstjórnarfólk Sjálfstæðisflokksins í sveitarstjórnum í Suðurkjördæmi, hvetja Guðrúnu Hafsteinsdóttur til að bjóða sig fram til formanns á næsta landsfundi Sjálfstæðisflokksins.
Þetta kemur fram í áskorun sem þeir sendu frá sér í dag en undir hana rita Gauti Árnason, oddviti í Austur-Skaftafellssýslu, Sveinn Hreiðar Jensson, oddviti í Vestur-Skaftafellssýslu, Anton Kári Halldórsson, oddviti og sveitarstjóri í Rangárþingi eystra, Eydís Indriðadóttir, sveitastjórnarfulltrúi í Rangárþingi ytra, Jón Bjarnason, oddiviti í Hrunamannahreppi, Friðrik Sigurbjörnsson, oddviti í Hveragerði, Grétar Ingi Erlendsson, sveitarstjórnarfulltrúi í Ölfusi, Bragi Bjarnason, oddviti og bæjarstjóri í Árborg, Einar Jón Pálsson, oddviti í Suðurnesjabæ, Hjálmar Hallgrímsson, oddviti í Grindavík, Björn G. Sæbjörnsson, oddviti í Vogum og Margrét Sanders, oddviti í Reykjanesbæ.