Veðrið lék við gesti á Flúðum í gær þar sem því var fagnað að nú væru 100 póstbox aðgengileg hringinn í kringum landið. Hundraðasta póstboxið var einmitt reist við Krambúðina á Flúðum.
Pósturinn og Krambúðin tóku höndum saman og buðu heimafólki og gestum í sannkallaða sumarveislu. Tónlistin ómaði um bæinn og var pylsum snúið í gríð og erg á snarpheitu grillinu. Margir freistuðu gæfunnar í lukkuhjólinu og börnin sprönguðu um með fagurlega skreytt andlit.
Dregið hefur verið úr lukkupottinum og fengu tveir heppnir sumarpakka sem meðal annars innihéldu gjafabréf frá Gömlu sundlauginni og Friðheimum. Afþreying og á svæðinu er ekki af verri endanum og móttökur fólksins Flúðum voru sérlega hlýjar svo engan skyldi undra hve margir lögðu leið sína á litlu Pósthátíðina.
