Prófkjör Framsóknar í Suðurkjördæmi fer fram á morgun, laugardaginn 19. júní. Utankjörfundaratkvæðagreiðsla hófst á þriðjudaginn og segir Magnea Björnsdóttir, formaður kjörstjórnar, að þátttaka hafi farið virkilega vel af stað.
Enn er hægt að kjósa utankjörfundar í dag, 18. júní, og er kosið á Höfn, Selfossi, Vestmannaeyjum og Reykjanesbæ. Kjörstaði á laugardaginn má sjá á framsokn.is.
Talning fer fram sunnudaginn 20. júní og verða úrslit verða kunngjörð milli kl. 16 og 17 á Hótel Selfossi.
Átta frambjóðendur taka þátt í prófkjörinu og sækist Sigurður Ingi Jóhannsson, samgöngu- og sveitarstjórnarráðherra, einn eftir 1. sætinu.
Í framboði eru:
Sigurður Ingi Jóhannsson, Hrunamannahreppi – sækist eftir 1. sæti
Jóhann Friðrik Friðriksson, Reykjanesbæ – sækist eftir 2. sæti
Silja Dögg Gunnarsdóttir, Reykjanesbæ – sækist eftir 2. sæti
Daði Geir Samúelsson, Hrunamannahreppi – sækist eftir 2.- 4. sæti
Hafdís Hrönn Hafsteinsdóttir, Árborg – sækist eftir 3. sæti
Halldóra Fríða Þorvaldsdóttir, Reykjanesbæ – sækist eftir 3.-4. sæti
Njáll Ragnarsson, Vestmannaeyjum – sækist eftir 3.-4. sæti
Ragnhildur Hrund Jónsdóttir, Vík í Mýrdal – sækist eftir 3.-5. sæti