Rafmagnslaust er í Mýrdalnum vegna rafmagnsbilunar sem varð í streng milli Holts og Víkur í nótt. Unnið er að því að koma rafmagni á aftur með varaafli.
Samkvæmt upplýsingum frá RARIK er óskað eftir því að íbúar fari sparlega með rafmagn svo að það heppnist að koma varaafli á svæðið.
Rafmagnslaust er á öllum bæjum frá Jökulsá á Sólheimasandi og austur að Höfðabrekku ásamt þorpinu í Vík.
Nánari upplýsingar veitir stjórnstöð í síma 528-9000. Kort af svæðinu má sjá á heimasíðu RARIK.