Sveitarstjórn Rangárþings ytra samþykkti á fundi sínum í morgun umsókn Landsvirkjunar um framkvæmdaleyfi fyrir Hvammsvirkjun í Þjórsá.
Áður höfðu umhverfis-, hálendis og samgöngunefnd og skipulags- og umferðarnefnd tekið umsóknina til umfjöllunar og báðar samþykkt að sveitarstjórn veitti leyfið.
Skipulagsfulltrúa Rangárþings ytra hefur því verið falið, að uppfylltum skilyrðum, að gefa út framkvæmdaleyfið í samræmi við framlögð gögn og gildandi ákvæði og reglugerðir.