Um fimmleytið í dag voru björgunarsveitir frá Laugarvatni, Flúðum og ásamt undanförum frá Selfossi og Hveragerði kallaðar út vegna manns sem hafði dottið í eða ofan í gil rétt vestan við Geysi.
Talið er að maðurinn sé fótbrotinn eftir fallið. Setja þarf upp fjallabjörgunarkerfi til að hífa manninn upp þar sem bratt er og afar hált á staðnum auk þess sem þarf að bera viðkomandi einhvern spotta að sjúkrabíl.
Um fjórtán björgunarmenn sinna verkefninu.