Aðeins munaði rúmum 0,3 prósentum á þeim tveimur tilboðum sem bárust í endurbætur á Gaulverjabæjarvegi sem Vegagerðin bauð út á dögunum.
Þjótandi ehf á Hellu átti lægra tilboðið tæpar 156,6 milljónir króna. Tilboð Vörubílstjórafélagsins Mjölnis á Selfossi var aðeins 543 þúsund krónum hærra, rúmar 157,1 milljónir króna. Bæði tilboðin voru rétt yfir áætluðum verktakakostnaði Vegagerðarinnar sem er 154,3 milljónir króna.
Um er að ræða endurbyggingu á 6 kílómetra kafla frá Hróarsholtslæk að Birkilandi, rétt norðan við Félagslund.
Verkinu á að vera lokið þann 1. september næstkomandi.