Sr. Óskar Hafsteinn Óskarsson, sóknarprestur í Hrunaprestakalli, hefur verið skipaður prófastur í Suðurprófstsdæmi frá 1. nóvember næstkomandi. Hann tekur við starfinu af sr. Halldóru Þorvarðardóttur í Fellsmúla, sem lætur af störfum næsta vetur eftir að hafa gegnt prófstsstörfum síðan 1. september árið 2003.
Sr. Óskar er fæddur þann 24. mars árið 1973. Hann varð stúdent frá Menntaskólanum á Laugrvatni árið 1993 og cand. theol. frá Haskóla Íslands árið 1999. Síðan sótti hann nám í uppeldis- og kennslufræði við sama skóla árin 1999-2001.
Hann var skipaður sóknarprestur í Ólafsvíkurprestakalli árið 2000 og þjónaði í Akureyrarprestskalli árin 2005 til 2008. Árið 2009 var hann skipaður prestur í Selfossprestakalli og sinnti því til ársins 2014, er hann var skipaður sóknarprestur í Hrunaprestakalli.
Óskar lauk meistaraprófi í guðfræði frá guðfræðideild Háskóla Íslands í samstarfi við Háskólann á Akureyri vorið 2008.
Hann hefur sinnt ýmsum félags- og trúnaðarstörfum, setið í stjórn Prestafélags Suðurlands og verið kjarmálafulltrúi Prestafélags Íslands eitt kjörtímabil. Sr. Óskar situr í stjórn Skálholts og hefur setið í stjórn héraðsnefndar prófastsdæmisins síðastliðið ár og er í stjórn Sauðfjárræktarfélags Hrunamanna.
Eiginkona sr. Óskars er Elín Una Jónsdóttir, íslenskukennari við Menntaskólann að Laugarvatni. Þau eiga þrjú börn, Helgu Margréti, sem fædd er árið 2001, Óskar Snorra, sem er fæddur árið 2004 og Elínbjörtu Eddu sem er fædd árið 2013.