Síðastliðinn sólarhring hefur lögreglan á Suðurlandi kært átta ökumenn fyrir að aka of greitt. Sá sem hraðast ók mældist á 135 km/klst hraða.
Sex voru kærðir fyrir að aka án gildra ökuréttinda og einn undir áhrifum áfengis.
Þá var ökumaður stöðvaður við eftirlit á Selfossi og reyndust vera of margir í bifreiðinni, auk þess að fjórir farþeganna voru ung börn sem voru án viðeigandi öryggisbúnaðar. Ökumaðurinn vann sér inn tiltal og sekt og var meinað að halda för sinni áfram.
Eitt minniháttar umferðaróhapp varð en engin slys urðu á fólki. Þá var lögreglunni tilkynnt um tvö atvik þar sem ekið var á kyrrstæðar bifreiðar og ökumaður lét sig hverfa og eru þau til rannsóknar hjá lögreglu.