Þriðjudagskvöldið 9. júlí er stefnt á að malbika báðar akreinar á Suðurlandsvegi, utan ár á Selfossi.
Veginum verður lokað á milli Biskupstungnabrautar og Olísstöðvarinnar við Arnberg og verður umferð beint um Þrengslaveg, Þorlákshafnarveg og Eyrabakkaveg.
Áætlað er að framkvæmdirnar standi frá kl. 19:00 á þriðjudagskvöld til kl. 6 á miðvikudagsmorgun.
Vegfarendur eru beðnir um að virða merkingar og hraðatakmarkanir og sýna aðgát við vinnusvæðin en þau eru þröng og verða menn og tæki við vinnu mjög nálægt akstursbrautum.
