Einn liggur þungt haldinn á Landspítalanum vegna reykeitrunar eftir að eldur kom upp í endurvinnslustöð Pure North við Sunnumörk í Hveragerði í gærkvöldi.
Annar var fluttur til aðhlynningar á Heilbrigðisstofnun Suðurlands á Selfossi.
Neyðarlínan fékk boð um eldinn kl. 22:23 í gærkvöldi og fóru viðbragðaðilar frá Hveragerði og Selfossi á vettvang.
Eldurinn reyndist vera í tækjabúnaði inni í stöðinni og stóð slökkvistarf til klukkan 00:30.
Eldsupptök eru ekki ljós en lögreglan á Suðurlandi rannsakar þau.