Neyðarlínan fékk tilkynningu á fjórða tímanum í gær um slys við Hvítárvatn, vestan við Kjalveg, þar sem buggybíll hafði oltið.
Talsverður viðbúnaður var vegna slyssins en ásamt lögreglu voru sjúkraflutningamenn, þyrla Landhelgisgæslunnar, björgunarsveitir og vettvangsliðar í uppsveitum Árnessýslu kallaðir til.
Einn slasaður einstaklingur var fluttur með þyrlu á Landspítala í Fossvogi.