Þrír aðilar skiluðu inn tilboði í þrjár einbýlishúsalóðir á Selfossi sem Sveitarfélagið Árborg auglýsti fyrir skömmu. Engin tilboð bárust í fjórar lóðir á Eyrarbakka.
Þrjú tilboð bárust í Lágengi 10 þar sem lágmarksverð sveitarfélagsins var 11,3 milljónir króna. Þórður Ásmundsson átti hæsta tilboðið, 19,9 milljónir króna.
Gæðabygg sf átti einu tilboðin í Reyrhaga 8 og Stekkholt 22 og voru þau bæði yfir lágmarksverði. Gæðabygg bauð 12 milljónir í Reyrhaga 8 þar sem lágmarksverðið var 8,8 milljónir og tilboðið í Stekkholt 22 hljóðar upp á 30,8 milljónir en lágmarksverðið var rúmlega 23,4 milljónir króna.
Göturnar eru allar í grónum hverfum, á deiliskipulögðum svæðum og tilbúnar til afhendingar.
Lóðirnar á Eyrarbakka, sem engin tilboð bárust í, eru við Álfsstétt 1, Eyrargötu 2, Búðarstíg 18 og Nesbrú 2.
Mannvirkja- og umhverfissvið Árborgar mun nú fara yfir tilboðin og kalla eftir frekari gögnum.